Magkasamang binisita at ininspeksyon ni Transport Secretary Arthur Tugade at Ako Bicol PartyList Congressman Alfredo Garbin, Jr. ang Bicol International Airport (BIA) sa Alobo, Daraga, Albay ngayong Huwebes, Mayo 13.

Ang pagbisita ay napapanahon dahil sa nalalapit na pagtatapos ng konstruksyon ng paliparan sa darating na Hulyo 2021. Inaasahang magsisimula ang operasyon ng BIA sa Disyembre.

Ang paliparan ay isa sa mga proyektong tinututukan ng Ako Bicol PartyList, lalo na ni Congressman Zaldy Co, dahil malaki ang maitutulong ng international airport sa pagpapasigla ng turismo at komersyo hindi lang sa Albay kundi sa buong Bicol Region.