Ang tubig ay buhay! Bilang pagkilala sa kahalagahan ng malinis na tubig sa pang araw-araw na buhay, pinasinayaan ngayon nina Ako Bicol Congressman Zaldy Co at Congressman Alfredo Garbin, Jr. ang tatlong Water Supply System Level II sa siyudad ng Legazpi.
Katuwang ang Aksyon Co Center, unang pinasinayaan ng AKB ang Water Supply System Level II sa Banquerohan Resettlement Area, kasunod ang Banquerohan National High School at ang huli ay sa Barangay Imalnod.
Malaking tulong ang water systems sa mga nasabing barangay dahil hindi na sila mahihirapang umigib ng malinis na tubig.
Ang pagtatayo ng water systems sa Kabikulan ang pangunahing adbokasiya ng Ako Bicol Party-list at Aksyon Co Center.
Kaya naman prayoridad at buong-buo ang suporta nina Congressman Co at Garbin sa proyektong naglalayong magbigay ng malinis na tubig lalo na sa matataas na lugar.
AKO BICOL PARTY LIST 