Sinadya ng Ako Bicol PartyList ang Isla San Miguel, Tabaco, Albay upang mamahagi ng mga food packs sa iba’t ibang barangay na nasalanta ng bagyo.

Sa pangunguna ni Ako Bicol Congressman Zaldy Co at kanyang kapatid na si Ms. Donna Co, nagtungo ang AKB katuwang ang Sunwest Care Foundation sa barangay ng Hacienda 1, 2, 3 at Sitio Malictang 4, 5, 6 at 7. Personal nilang natunghayan ang nakalulunos na sinapit ng maraming kababayan na nasiraan ng bahay at napinsala ang mga pananim.

Namahagi si Congressman Co ng food packs at solar light bulbs upang may pansamantalang magamit ang ilang kababayan na hanggang ngayo’y wala pa ring kuryente. Nag abot din ng cash assistance si Congressman Co sa mga senior citizens at buntis.

Labis ang kasiyahan at pasasalamat ng mga taga San Miguel matapos makatanggap ng ayuda mula sa Ako Bicol. Ayon sa ilang residente, ang grupo ni Congressman Co ang kauna unahang nakapaghatid sa kanila ng tulong mula ng bayuhin sila ng bagyo.

Naging katuwang din ng Ako Bicol sa distribusyon ang Sunwest Care Foundation Inc. na naghandog ng mga damit at iba pang pangangailangan.

#AkoBicolPartyList
#KatabangnaKasurogpa
#TabangsaKalamidad
#SanMiguelIsland