Daan-daang residente ng Barangay Travesia at San Francisco, Guinobatan, Albay ang binigyan ng Ako Bicol party list ng food packs mula sa SM Foundation.

Ang aktibidad ay pinangunahan ni Ako Bicol Congressman Alfredo A. Garbin, Jr. at ang kapatid ni Congressman Zaldy S. Co na si Ms. Donna Co.

Ang mga naturang barangay ay ilan lamang sa matinding tinamaan ng pananalasa ni bagyong Rolly. Bukod sa ulan at malakas na hangin, rumaragasang bato at putik mula sa Bulkang Mayon ang tumabon sa maraming kabahayan.

Bakas sa mukha ng ating mga kababayan ang matinding hinagpis dahil sa pinsalang dulot ng bagyo.

Katuwang ng Ako Bicol sa pamamahagi ng food packs ang Rotary Club of Legazpi Central at JCI Legazpi at Daraga.

Muling nagpapasalamat ang Ako Bicol sa SM Foundation dahil sa mga food packs na kanilang ibinahagi sa mga Bicolanong biktima ng bagyo.

#AkoBicolPartyList
#KatabangnaKasurogpa
#TabangsaKalamidad
#Guinobatan
#BangonBicol