Handa na pong mamahagi ang Ako Bicol Party List ng mahigit kumulang tatlong daang (300) litro ng alcohol at dalawang (2) libong pares ng rubber gloves na ididiretso sa Bicol Regional Training and Teaching Hospital (BRTTH) at Bicol Medical Center (BMC) upang magamit ng mga doktor, nurse at mga health workers sa Bicol sa pakikipaglaban sa COVID-19.
Bumili na rin ng 20,000 face mask at 200 Personal Protective Equipment (PPE) ang Ako Bicol at may karagdagan pang 3,000 pares na rubber gloves na darating at ipamamahagi sa mga susunod pang mga araw.
Ang mga nasabing kagamitan po ay ibabyahe mula pa sa Metro Manila. Bagama’t pahirapan ang pagkuha at pagbili sa mga ito, hindi ito naging hadlang upang makapag-bigay tulong lalong-lalo na sa ating mga frontliners na isinasantabi ang kanilang sariling kaligtasan makapag-serbisyo lang sa ating mga kababayang nangangailangan ng matinding atensyong medikal.
AKO BICOL PARTY LIST 