Ako Bicol, Volunteers, Nagpatarabang-tabang Para sa Macabalo River

Naging matrayumpo ang isinagibong Cleanup Drive sa Macabalo River sa siyudad nin Legazpi na pinangenotan kan mga benepisyaryo nin Ako Bicol Educational Assistance sa Albay kan Sabado, Setyembre 21, 2019. An aktibidad na ini katakod kan nagpapadagos na suru-semanang Zumba Limpya River Cleanup Drive na pinaginisyar kan Ako Bicol tanganing makatabang na malinigan an salog nin Macabalo. Mawot kan nasabing aktibidad na maiheras sa mga Bicolano ang pagpadaba sa paagi kan pagataman sa kapalibotan.