Naging matrayumpo ang isinagibong Coastal Cleanup Drive na pinangenotan ni Ako Bicol Provincial Coordinator Rey M. Kallos asin kan mga benepisyaryo nin Ako Bicol Educational Assistance kan anum na banwaan sa primer distreto kan Albay kaiba ang mga 4P’s beneficiaries na tinabangan man kan Barangay Council kan Barangay Sugod ,Tiwi, Albay.
An aktibidad na ini katakod kan nag adangadang na Kapistahan kan Patrona nin bilog na Diocese kan Legazpi-Albay na pinaggigibo sa Joroan, Tiwi, Albay na katakod man kan ika-100 na anibersaryo ni Nuestra Seniora de Salvacion asin kan Maritime Procession sa maabot na Sabado petsa 17 kan presenting Bulan (August 17, 2019). Mawot kan nasabing aktibidad na maiheras sa mga Bicolano ang pagpadaba sa Diyos asin sa kapalibutan.
