Tulad na lamang ng walis na mas lumalakas pag ang mga hibla nito ay pinagsama-sama, ang Ako Bicol Party List ay ramdam ng bawat Bicolano saan mang sulok ng bansa dahil sa dedikasyon ng mga taong bumubuo nito. Kung kaya’t pinangunahan ni Cong. Alfredo A. Garbin, Jr. at Atty. Justin D. Batocabe ang pagtitipon ng mga Municipal Coordinators sa Camarines Norte na lubos nating pinahahalagahan pagdating sa pagpapalawak ng ating mga adbokasiya lalo na sa pagbibigay ng pantay na pagkakataon sa lahat na makilahok saating misyon na mapabuti ang buhay ng bawat Bicolano.
Hinikayat niya din ang mga ito na tulungan ang partido sa panibagong laban na kakaharapin nito sa darating na halalan, malakas ang paniniwala ng Ako Bicol Party List na nagkakaisa ang kupunan pagdating sa pagsisiguradong muli tayong makakaupo sa kongreso, pareho ng ating paniniwala na sila ay katuwang natin sa bawat laban na ating ikinahaharap magmula nang tayo’y unang sumabak sa mundo ng paglilingkod sa bayan.
