Libu-libong scholar ng Ako Bicol Partylist na nagtatrabaho ngayon sa loob at labas ng bansa ang patuloy na nagpapaabot ng kanilang malakas na suporta sa kandidatura ng patylist upang makabalik sa kongreso ngayong taon.

Sa personal na mensahe at tawag na natanggap ng opisina ng Ako Bicol, ipinahayag ng mga ito ang kanilang commitment para iboto ang Ako Bicol  dahil sa mga benepisyo na ibinigay nito sa asistensiya sa edukasyon na nagdala ng maganda sa kanilang buhay maging sa kanilang mahal sa buhay.

Isa na dito si Roland Nogot ng Barangay Ilawod, Daraga Albay na nagtatrabaho na ngayon bilang certified welder sa pinakamalaking shipyard sa Bahamas. Sa pamamagitan ng social media message isinalaysay ni Nogot na malaking tulong sa kanya ang natanggap na libreng training galing sa Ako Bicol na naging pasaporte niya upang maging kwalipikado sa kanyang trabaho sa nasabing bansa. Kung hindi umano dahil sa Ako Bicol baka sa mga panahon na ito wala pa siyang trabaho at nanatiling mahirap ang kanilang pamilya. Batay sa kuwento ni Nogot, bago pa man siya makapagtrabaho sa Bahamas, tinulungan siya ng Ako Bicol na makakuha ng trabaho sa Keppel Shipyard sa Batangas at makaraan nito napunta naman siya sa pinakamalaking oil at gas companies sa Middle East.

Samantala, isa ring beneficiary pa ng Ako Bicol ang nagpahayag ng pasasalamat sa nakuhang scholarship. Siya si Ellen Grace Santos Dondonilla ng Libmanan, Camarines Sur. Si Ellen Grace ang nagsailalalim rin sa  libreng training sa electronics servicing course ng nakaraan taon lamang. Nagsimula siya bilang intern sa isa sa mga lokal na opisina ng Ako Bicol at nang mabigyan ng oportunidad na makapag-training ng libre sa electronic servicing upang mas makakuha ng malaking oportunidad para sa regular employment kung saan hindi na siya nagdalawang isip pa. Nang makatapos sa nasabing kurso agad naman siyang nakapagtrabaho bilang equipment operator sa electronics manufacturing plant sa Cavite.

Kaugnay ng kanyang nakuhang tagumpay hindi siya nakalimot na magpasalamat sa Ako Bicol at nangako pa ng suporta dito kasama na ang kanyang pamilya lalo na sa darating na halalan. Subalit hindi lamang ang kanyang pamilya ang kanyang hinikayat sa pagboto sa Ako Bicol Partylist kundi maging ang lahat ng Bicolano.