HAZE POLLUTION DAPAT PAG-ANDAMAN, DANYOS HAHAGADON SA MAY SALANG NASYON

HAZE POLLUTION DAPAT PAG-ANDAMAN, DANYOS HAHAGADON SA MAY SALANG NASYON

Panahon na para an pilipinas, sa paagui kan Department of Foreign Affairs (DFA), na pag-olayan an asean agreement on transboundary haze pollution asin poonan an diskurso sa posibleng paghagad nin danyos dara kan  maating aso’ gikan sa ibang nasyon.

Ini an naging pahayag ni ako bicol congressman rodel m. batocabe, na iyo man an chairman kan commitee on climate change sa kongreso matapos makaabot na sa pilipinas an distrosong hatod kan 2015 southeast asian haze na enot ng tuminama sa sirangan na parte kan nasyon ngonian na oktubre.

Segun kay batocabe, an may salang estado, arog kan indonesia, iyo an dapat na pagbayadon kan mga apektadong nasyon na inagihan kan polusyon. An krisis sa polusyon namamatean ngonian sa brunei, malaysia, singapore, southern thailand, vietnam asin cambodia. Pinaghahaditan na posibleng magdara nin dakulang kahelangan sa mga habitantes an maating paros arog kan asthma, bronchitis, pneumonia asin iba pa.

Dagdag pa ni batocabe, dakulang perwisyo sa negosyo maski na sa byahe kan mga eroplano an haze pollution. Ini matapos na ikansela asin i-oktaba an nagkapirang erepuerto an byahe sa eroplano kan nakaaguing semana dara kan mahibog na aso’ na pwedeng magkawsa nin zero visibility sa ere.

Alagad nilinaw ni batocabe na ini man an tamang panahon para ikonsidera kan kongreso na ipasar na an ley arog kan singapore transboundary haze pollution act, na minaimponir nin penalidad na maabot sa $100,000 hasta $2m sa mga nasyones na nagkawsa o nagkontribwer nin polusyon sa ere.

Nagtutubod si batocabe na kaipuhan darahon an isyu sa 2015 united nations climate change conference duman sa paris nin huli ta an nasabi ng haze pollution kawsa kan pagkakasulo’ nin kadlagan dara kan daing untok na kaingin kan mga para-oma asin darakulang negosyante na nagtuturogdok nin mga planta sa mga kaawagan na iyo an nagkokontribwer nin “greenhouse gases emisson.”

Source: http://manilastandardtoday.com/news-flash/190525/ako-bicol-rep-rodel-batocabe-says-indonesia-should-compensate-countries-affected-by-haze-.html

This entry was posted in Hot off the Press. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s